شیخوپورہ +شرقپور شریف+ گجرات+ سیالکوٹ+ ڈسکہ+گکھڑمنڈی +ستراہ(نمائندہ نوائے وقت+نمائندگان خصوصی+نامہ نگاران) شیخوپورہ میںدھاتی ڈور پھرنے سے نوجوان جاں بحق،دوسرا زخمی ہو گیا جبکہ شرقپور میں دھاتی ڈور پھرنے سے موٹر سائیکل سوار زخمی ہو گیادوسری جانب پنجاب پولیس کی گجرات ،سیالکوٹ سمیت مختلف شہروں میں کارروائیوں میں 20 پتنگ فروش اور پتنگ باز گرفتار کر لئے۔تفصیلات کے مطابق شیخوپورہ میں تھانہ سٹی اے ڈویژن کے علاقہ شرقپور چوک میں دھاتی ڈور پھرنے سے 20سالہ نوجوان مزمل شہ رگ کٹنے سے جاں بحق ہو گیا جبکہ اس کا دوسرا ساتھی زخمی ہوا گیا۔ ریسکیو 1122نے زخمی نوجوان کو ہسپتال پہنچایا جہاں وہ زیادہ خون بہہ جانے کے باعث جاں بحق ہو گیا ۔علاوہ ازیں شرقپور محلہ حکیم گڑھی میں پتنگ کی ڈور ہاتھ پر پھرنے سے انس نامی شخص موٹر سائیکل سوار زخمی ہوگیا جسے فوری طور ہسپتال لایا گیا اور پٹی کے بعد فارغ کردیا گیا۔دوسری جانب گجرات میںپتنگ فروشوںکیخلاف پولیس متحرک دو پتنگ باز گرفتار ‘6پتنگیں برآمد کرلیں،تھانہ لاری اڈہ نے پتنگ فروش ملزم عدیل سے4پتنگیں اور ملزم دلدار سے2عدد پتنگیں برآمد کرکے الگ الگ مقدمات درج کرلئے۔ادھرسیالکوٹ پولیس نے ایک درجن پتنگ فروشوں و پتنگ بازوں کو گرفتار کر لیا۔ تھانہ کوتوالی پولیس نے لہائی بازار ،تھانہ حاجی پور،تھانہ نیکاپورہ،تھانہ رنگپورہ ، تھانہ مراد پور ،کوٹلی لوہاراں سے درجنوں پتنگیں اور ڈور برآمد کرلی۔دریں اثناء ڈسکہ میں پابندی کے باوجود پتنگیں فروخت کرنے پردو افراد کیخلاف مقدمہ درج کرلیا۔دوسری طرف گکھڑ منڈی تھانہ کینٹ کی علامہ اقبال ٹائون راہوالی میں کارروائی کرکے پتنگ فروش سے 425پتنگیں جبکہ محلہ سلیم پورہ سے رحمن محلہ عیسیٰ نگری کے مہنگا مسیح کو پتنگ بازی کرتے ہوئے گرفتار کرکے 7عدد پتنگیں اور 2عدد کیمیکل ڈور قبضہ میں لے کرمقدمات درج کر کے جیل بھیج دیا گیا۔علاوہ ازیںستراہ پٹرولنگ پولیس نے دوران گشت و ناکہ بندی دو مختلف افراد سے 1000کے قریب پتنگیں برآمد کرلیں۔ تھانہ موترہ اور صدر میں ملزموں کیخلاف الگ الگ مقدمہ درج کرادیا ۔