راولپنڈی (نیٹ نیوز) شیخ رشید نے کہا ہے کہ ملک میںکرونا قابو ہے، یہ وقت قوم کے نیک اور ایک ہونے کا ہے، صوبوں کے درمیان اتفاق رائے کی ضرورت ہے۔ وزیر ریلوے شیخ رشید نے راشن تقسیم کرنے کی تقریب سے خطاب کرتے ہوئے کہا کرونا سے یہاں وہ تباہی نہیں پھیلی جو یورپ میں ہوئی، وزیراعظم ریلیف فنڈ میں سب سے زیادہ فنڈ دیں گے، اللہ نے کرونا کی شکل میں دنیا کو امتحان میں ڈالا ہے، رمضان میں اللہ تعالیٰ سے دعا کرنی ہے کہ ہماری مدد کرے۔ یہ وقت اتحاد کا ہے۔ عوام کو مسائل کا سامنا ہے۔ وزیراعظم کا مؤقف ہے کہ لاک ڈاؤن کو آہستہ آہستہ کم کریں۔