فیروزوالہ(نامہ نگار) شیخوپورہ شرقپور روڑ پرڈاکووں نے ناکہ لگاکر متعدد افراد کو لوٹ لیا، ڈاکووں نے کار نہ روکنے پر فائرنگ کردی گولی لگنے سے تھانہ اے ڈویژن کا تھانیدارمیاں طارق محمود جوکہ ڈیوٹی کے بعد شرقپور جارہا تھاشدیدزخمی ہوگیا جسے طبی امداد کیلئے ہسپتال داخل کروادیاگیاہے، ڈاکوئوںنے اسی طرح دو نوجوان موٹرسائیکل سواروں قیصر اور فواد کو بھی زخمی کردیا پولیس اس واقعہ کو دشمنی کا ساخشانہ بتارہی ہے چٹھہ کالونی میں بھی ڈاکووںنے مزاحمت پرموٹرسائیکل سوار دکاندار اشرف کوزخمی کردیا اور فرار ہوگئے جبکہ کوٹ عبدالمالک کے قریب ڈاکوایک کمپنی کے ملازم محمدعدنان سے تقریبا 2لاکھ روپے کی نقدی رقم اور موبائل فون چھین کرفرار ہوگئے ،دریں اثناء نامعلوم افراد ذولفقار علی کے ڈیرے میں داخل ہوکر 30لاکھ روپے مالیت کی بھینیس چوری کرکے لے گئے ، چوروں نے قلعہ ستارشاہ کے قریب ایک پٹرول پمپ سے تقریبا 2لاکھ روپے مالیت کا سامان چوری کرلیا اور فرار ہوگئے،نامعلوم افراد نے محبوب یعقوب کاکیری ڈبہ اور چار افراد کی موٹرسائیکلیں چوری کرلیں پولیس نے مقدمات درج کرلیے ہیں ۔