لاہور (سپیشل رپورٹر) چیف سیکرٹری پنجاب میجر (ر) اعظم سلیمان کو تبدیل کر دیا گیا۔ اعظم سلیمان کو اسٹیبلشمنٹ ڈویژن رپورٹ کرنے کی ہدایت کی گئی ہے۔ جواد رفیق ملک کو پنجاب کا نیا چیف سیکرٹری تعینات کر دیا گیا۔ اعظم سلیمان کی تبدیلی کے احکامات وزیراعظم عمران خان کی منظوری سے جاری کئے گئے ہیں۔ وفاقی اسٹیبلشمنٹ ڈویژن نے چیف سیکرٹری پنجاب کو تبدیل کرنے کا نوٹیفکیشن جاری کر دیا ہے۔ ان کو او ایس ڈی لگا دیا گیا ہے۔ جواد رفیق ملک کو وفاقی سیکرٹری کمیونیکیشن ڈویژن کو تبدیل کرکے چیف سیکرٹری پنجاب تعینات کیا گیا ہے۔ اس سے قبل پنجاب میں سیکرٹری صحت اور بطور کمشنر لاہور بھی خدمات سرانجام دیتے رہے ہیں ۔