گوجرانوالہ(نمائندہ خصوصی) الیکٹرک پاور کمپنی (گیپکو) کے چیف ایگزیکٹو محسن رضا خاں نے کہا ہے کہ رمضان المبارک سے قبل 132کے وی ساہو والا پسرور ٹرانسمیشن لائن کی بر وقت تعمیر گیپکو انجینئرز اور کارکنان کا بہت بڑا کارنامہ ہے اس کی تعمیر سے علاقہ میں ترقی و خوشحالی کا نیا باب کھلے گا اور اہل علاقہ کو بہتر وولٹیج کے ساتھ معیاری بجلی میسر ہو گی اِ ن خیالات کا اظہار انہوں نے132کے وی ساہو والا ٹرانسمیشن لائن کے افتتاح کے موقع پر خطاب کرتے ہوئے کیا اس موقع پر چیف انجینئرز معین شریف، رفیق اقبال، ایس ای سیالکوٹ حاجی محمد اشرف، ودیگرگیپکو افسران و ملازمین کی کثیر تعداد موجود تھی چیف ایگزیکٹو نے بتایا کہ لوگوں کی طرف عدالتی سٹے اور دیگر تیکنیکی وجوہات کے باعث گزشتہ 8 سال سے یہ پراجیکٹ التوا کا شکار تھا۔