شیخوپورہ(نمائندہ نوائے وقت)تحصیل کمپلیکس کی زیر تعمیر بلڈنگ میں محکمہ خوراک نے گندم خریداری مرکز قائم کرکے بلڈنگ کو شدید نقصان سے دوچار کیا ہے بلڈنگ تعمیر کے آخری مرحلہ میں تھی مگر بغیر کسی طرح کے سوچ بچار بلڈنگ کی تعمیر کو مخلوظ خاطر نہ رکھتے ہوئے اس میں گندم خریداری مرکز قائم کردیا جبکہ اس حوالے سے محکمہ بلڈنگ سے بھی سفارشات طلب کرنا ضروری نہ سمجھا گیا اور اب یہاں ؎لوڈر گاڑیوں کے آنے جانے سے بلڈنگ کے فرش سمیت دیگر حصوں کو شدید نقصان پہنچ رہا ہے ذرائع کے مطابق اگر صورتحال کا ادراک نہ کیا گیا تو بلڈنگ کو ناقابل تلافی نقصان پہنچے گا اور بلڈنگ کی تعمیر پر خرچ ہونیوالی خطیر رقم بھی ضائع ہوجائے گی، مقامی سماجی حلقوں نے وزیر اعلیٰ پنجاب سے صورتحال کا فوری نوٹس لینے اور ذمہ داروں کے خلاف کاروائی کا مطالبہ کیا ہے۔