لاہور(خصوصی نامہ نگار) مسلم لیگ ن نے پنجاب اسمبلی کا اجلاس طلب کرنے کیلئے ریکوزیشن جمع کرا دی ہے۔ ملک ندیم کامران اور سمیع اللہ خاں نے اسمبلی سیکرٹریٹ میں جمع کرائی۔ سپیکر سے استدعا کی گئی ہے کہ پری بجٹ تجاویز اور کرونا وائرس کی صورتحال پر اسمبلی کا اجلاس طلب کیا جائے۔ اسمبلی رولز کے مطابق سپیکر 14 روز میں اجلاس طلب کرنے کے پابند ہیں۔ حکومتی ذرائع کے مطابق جمعہ کے روز اجلاس طلب کیے جانے کا امکان ہے۔