سابق نیول چیف ایڈمرل محمد شریف انتقال کر گئے‘ اسلام آباد میں سپردخاک
اسلام آباد (نوائے وقت رپورٹ) پاکستان بحریہ کے سابق سربراہ ایڈمرل محمد شریف اسلام آباد میں انتقال کر گئے۔ ترجمان پاک بحریہ کے مطابق ایڈمرل محمد شریف کو اسلام آباد میں فوجی اعزاز کے ساتھ سپردخاک کر دیا گیا۔ ایڈمرل محمد شریف نشان حیدر راجہ عزیز بھٹی کے قریبی عزیز اور راحیل شریف کے بھائی تھے۔تدفین میں چیف آف دی نیول سٹاف ایڈمرل ظفر محمود عباسی نے شرکت کی۔ ایڈمرل محمد شریف کو پاک بحریہ کے پہلے فور سٹار ایڈمرل ہونے کا اعزاز حاصل ہے۔ وہ چیئرمین جوائنٹ چیفس آف سٹاف کمیٹی کے عہدے پر بھی فائز رہے۔ نیول چیف نے کہا ہے کہ پوری قوم بالخصوص پاک بحریہ ایڈمرل محمد شریف کی خدمات کو خراج عقیدت پیش کرتی ہے۔
