کراچی (صباح نیوز + آن لائن) شہر کے علاقے ڈیفنس فیز 2 میں بیکری میں سلنڈر دھماکے سے ایک شخص جاں بحق اور 2 افراد زخمی ہو گئے۔ تفصیلات کے مطابق کراچی کے علاقے ڈیفنس میں زوردار دھماکہ ہوا جس کی زد میں آکرایک شخص جاں بحق اور 2 افراد زخمی ہو گئے۔ دھماکے سے علاقے کی کئی دکانوں اور گاڑیوں کو بھی شدید نقصان پہنچا۔ پولیس کے مطابق ڈیفنس فیز ٹو می دھماکہ سحری کے وقت ہوا۔ ابتدائی تحقیقات کے مطابق بیکری میں دھماکہ سلنڈر پھٹنے سے ہوا جس کے نتیجے میں بیکری مکمل تباہ ہو گئی۔ اردگرد کی کئی دکانوں کو بھی شدید نقصان پہنچا۔ دھماکے سے قریب عمارتوں کے شیشے بھی ٹوٹ گئے۔ ریسکیو ذرائع کا کہنا تھا دھماکے کے زخمیوں کو جناح ہسپتال منتقل کیا گیا۔ اطلاع ملتے ہی امدادی اداروں کے رضاکار جائے حادثہ پر پہنچ گئے۔ انچارج سی ٹی ڈی راجہ عمر خطاب نے بھی جائے وقوعہ کا معائنہ کیا جبکہ بم ڈسپوزل ٹیم نے شواہد اکٹھے۔