شیخوپورہ+ نواں کوٹ(نمائندہ خصوصی+ نامہ نگار+نمائندہ نوائے وقت)فیصل آباد روڈ بائی پاس کے قریب تیز رفتار ٹرک نے موٹرسائیکل کو ٹکر ماردی جس سے موٹرسائیکل سوار دو سگے بھائی جاں بحق ہوگئے بتایا گیا کہ بائی پاس کے قریب تیزرفتار ٹرک نے بے قابو ہوکر سائیڈ پر جانیوالے موٹرسائیکل کو ٹکر ماردی جس سے قریبی قصبہ کھاریانوالہ کے رہائشی دو سگے بھائی 31 سالہ عرفان اور 29 سالہ سفیان جاں بحق ہوگئے حادثہ کے وقت 31 سالہ عرفان موقع پر دم توڑ گیا جبکہ سفیان شدید زخمی ہوگیا جس کو ریسکیو ٹیموں نے ڈی ایچ کیوہسپتال پہنچایا مگر وہ جانبر نہ ہوسکا اور ہسپتال میں دم توڑ گیا جب دونوں بھائیوں کی نعشیں انکے گھر پہنچیں تو کہرام مچ گیا جبکہ ٹرک ڈرائیور موقع سے فرار ہوگیا پولیس نے ضروری کارروائی کے بعد نعشیں ورثاء کے حوالے کردی ہیں۔