ننکانہ صاحب(نامہ نگار)ٹریفک کے مختلف حادثات میں کمسن بچے اور خاتون سمیت آٹھ افراد شدید زخمی ہوگئے۔ تفصیلات کے مطابق ریسکیو 1122 آفس شاہکوٹ کے قریب دو تیز رفتار موٹر سائیکلوں کے تصادم میں 40سالہ منیراں بی بی اور9سالہ قربان علی گر کر شدید زخمی ہو گئے۔ چک ٹوانہ سٹاپ کے قریب ایک تیز رفتار موٹر سائیکل بے قابو ہو کر پھسل گئی جس کے نتیجہ میں 28سالہ وسیم شہزاد گر کر شدید زخمی ہو گیا۔ چوکی کمال پور کے قریب ایک تیز رفتار موٹر سائیکل گدھا گاڑی سے ٹکراگئی جس کے نتیجہ میں 30سالہ صابر حسین گر کر شدید زخمی ہو گیا۔