واشنگٹن(صباح نیوز) امریکہ کے نائب صدر کی پریس سیکرٹری کیٹی ملر بھی کرونا وائرس کا شکار ہوگئی ہیں۔عالمی خبر رساں ایجنسی کے مطابق امریکی نائب صدر مائیک پنس کی پریس سیکرٹری کیٹی ملر کا کرونا ٹیسٹ مثبت آگیا ہے۔خبر رساں ادارے کے مطابق کیٹی ملر کے کرونا ٹیسٹ کی رپورٹ مثبت آنے کی تصدیق امریکی صدر ڈونلڈ ٹرمپ نے بھی کی ہے۔امریکی صدر ڈونلڈ ٹرمپ نے کہا ہے کہ کیٹی ملر بہت اچھی خاتون ہیں اوران کا کرونا ٹیسٹ مثبت آگیا ہے۔