شیخوپورہ(نمائندہ نوائے وقت)پاکستان تحریک انصاف کے ضلعی رہنما چوہدری عمر مشتاق ورک نے کہا ہے کہ پوری قوم کرونا وائرس کے حوالے سے پنجاب حکومت کی پالیسیوں کی معترف ہو گئی ہے لیکن اپوزیشن جماعتیں ابھی بھی اس وباء پر سیاست کر رہی ہے تحریک انصاف کی حکومت نے جس جانفشانی سے اس مرض پر قابو پانے کے لئے اقدامات کئے اس کی دنیا بھی تائید کر رہی ہے ،اپنے ایک بیان میں چوہدری عمر مشتاق ورک نے کہا کہ عمران خان کی قائدانہ صلاحیتوں کی وجہ سے پاکستان عالمی سطح پر اپنا لوہا منوانے میں کامیاب ہوگیا مشکل وقت میں وزیر اعظم عمران خان کے دور اندیش فیصلوں اور قائدانہ صلاحیتوں کی کی پوری قوم معترف ہو گئی ہے۔