لاہور(سپورٹس ڈیسک) امریکی صدر ڈونلڈ ٹرمپ نے کروناوائرس کے پیش نظر میگا باکسنگ ایونٹ کے انعقاد میں تاخیر پر مارشل آرٹس انتظامیہ کا خصوصی طور پر شکریہ ادا کیا۔صدر ٹرمپ نے الٹیمیٹ فائٹنگ چیمپئن شپ (یو ایف سی) انتظامیہ کا شکریہ ادا کرتے ہوئے کہا ایسے وقت میں جب ملک وبا کا شکار ہے باکسنگ ایونٹ میں تاخیر قابل ستائش عمل رہا۔ دو ماہ کے انتظار کے بعد امریکی ریاست فلوریڈا کے سٹیڈیم میں بغیر کسی تماشائی کے حریفوں کے درمیان ’یو ایف سی 249‘ فائٹ کا انتظام کیا گیا۔ ٹرمپ نے کھیل کے انعقاد پر مبارکباد بھی دی۔