لاہور(نمائندہ سپورٹس +سپورٹس رپورٹر)قومی ٹیم کے لیگ سپنر یاسر شاہ کا ویڈیو لنک فزیکل فٹنس ٹیسٹ مکمل ہو گیا۔یاسر شاہ نے فٹنس ٹیسٹ بعد میں دینے کی درخواست کی تھی۔سنٹرل کنٹریکٹ میں شامل تمام 19 کھلاڑیوں کے ویڈیو لنک فٹنس ٹیسٹ مکمل ہوگئے۔ٹیم کے سٹرینتھ اینڈ کنڈیشنگ کوچ یاسر ملک ٹیسٹ رپورٹ تیار کرکے ہیڈ کوچ مصباح الحق کو بھجوائیں گے۔جون میں کھلاڑیوں کی سال کی آخری فٹنس ٹیسٹنگ ہو گی، حالات نارمل ہونے کی صورت میں جون میں ہونے والے ٹیسٹ نیشنل کرکٹ اکیڈمی میں ہوں گے۔ہیڈ کوچ مصباح الحق پہلے ہی واضح کرچکے ہیں کہ اس ٹیسٹ کی بنیاد پر کسی کو جرمانہ نہیں ہوگا۔