شیخوپورہ (نمائندہ خصوصی+نمائندہ نوائے وقت ) محکمہ سوئی گیس کی ٹیموں نے گیس چوری کیخلاف کاروائی کرتے ہوئے چک نمبر 33شاہ کوٹ وارڈ نمبر 8صفدرآباد محلہ نور پور ماچھیکے دربار پیر آغا خان سانگلہ ہل اور ورن روڈ فاروق آباد میں کاروائی کرتے ہوئے سیکڑوں فٹ ناجائز پائپ کا نیٹ ورک پکڑ لیا اس بات کا انکشاف جنرل مینجر سوئی گیس احسان اللہ بھٹی نے ایک پریس کانفرنس میں کیا اس مو قع پر چیف انجینئر آپریشنز رومان عمر ،انچارج یو ایف جی ٹاسک فورس حافظ میاں عمران احمد بھی موجو دتھے احسان اللہ بھٹی نے صحافیوں کو بتایا کہ گیس چوروں اور میٹر کو ریورس کرنے والے اصارفین کیخلاف کریک ڈائون شروع کر دیا گیا ہے انہوں نے بتایا کہ مذکورہ علاقوں میں لوگوں نے مین پائپ لائن سے سیکڑوں فٹ ناجائز پائپ نیٹ ورک لگا رکھا تھا اور وہ کروڑوں روپے کی گیس چوری کر چکے تھے ملزمان کیخلاف متعلقہ تھانوں میں مقدمات بھی درج کر وائے جا رہے ہے ۔