لاہور (نمائندہ خصوصی) لاہور میں متعدد وارداتوں کے دوران شہری لاکھوں روپے‘ زیورات‘ موبائل فون‘ موٹر سائیکلوں اورگاڑیوں سمیت دیگر قیمتی سامان سے محروم کر دیئے گئے۔ تفصیلات کے ماطبق ڈیفنس سی میں ڈاکوؤں نے نجیب کے گھر سے 6 لاکھ 15 ہزارکی نقدی ‘ طلائی زیورات اور دیگر سامان‘ سبزہ زار میں مجاہد کے گھر سے 5 لاکھ 20 ہزار ‘ شادمان میں شاہنواز کے گھر سے 3 لاکھ 80 ہزار‘ ساندہ میں نوید کے گھر سے 1 لاکھ 75 ہزار ‘ نصیر آباد میں نادر کے گھر سے 2 لاکھ نقدی‘ زیورات اور دیگر سامان لوٹ لیا۔ گوالمنڈی میں ڈاکوؤں نے محبوب سے 58 ہزار نقدی اور دیگر سامان‘گجرپورہ میں اویس سے 30 ہزار کی نقدی اور دیگر سامان‘ شفیق آباد میں نظر حسین 20 ہزار کی نقدی‘ زیورات اور دیگر سامان چھین لیا۔ مانگا منڈی اور لیاقت آباد سے گاڑیاں جبکہ سرور روڈ ‘ شالیمار اور ٹبی سٹی سے موٹر سائیکلیں چوری ہوگئیں۔