پشاور(نیٹ نیوز) پشاور کے اشرف روڈ پر بم دھماکہ ہوا جس کے نتیجے میں 5 افراد زخمی ہو گئے۔ جن میں 2 ٹریفک پولیس اہلکار بھی شامل ہیں۔ واقعے کے بعد سیکیورٹی فورسز نے علاقے کو گھیرے میں لے لیا اور زخمیوں کو لیڈی ریڈنگ ہسپتال منتقل کر دیا گیا۔ ڈاکٹرز کے مطابق زخمیوں کی حالت خطرے سے باہر ہے۔ ایڈیشنل انسپکٹر جنرل (اے آئی جی) شفقت ملک نے بتایا کہ جائے وقوعہ سے شواہد اکٹھے کر لئے گئے ہیں۔ دھماکہ ریموٹ کنٹرول تھا اور بم دیسی ساخت کا تھا۔ جسے موٹر سائیکل میں نصب کیا گیا تھا۔ دھماکے میں دو کلو بارودی مواد استعمال کیا گیا۔ اے آئی جی شفقت ملک کے مطابق حملے میں بظاہر پولیس کو نشانہ بنایا گیا۔ مزید تحقیقات جاری ہیں۔