اسلام آباد(وقائع نگار خصوصی) سپیکر قومی اسمبلی اسد قیصر کے کروناٹیسٹ کی رپورٹ منفی آگئی، ان کے اہلخانہ کی رپورٹس بدھ کو آئیں گی، سپیکر قومی اسمبلی اسد قیصر کو طبیعت بہتر ہونے پر اسلام آبادکے نجی ہسپتال سے سپیکر ہائوس منتقل کر دیا گیا ہے۔ کرونا ٹیسٹ کی رپورٹ منفی آگئی ہے۔ میں تمام خیر خواہوں کا شکر گزار ہوں جنہوں نے میری صحتیابی کیلئے دعا کی۔ سپیکر قومی اسمبلی کے ترجمان چوہدری محمد رضوان نے بھی تصدیق کر دی اور کہاکہ طبیعت میں بہتری آنے کے بعد سپیکر دوبارہ سرکاری امور کی انجام دہی شروع کر دیں گے۔ ادھر گورنر سندھ عمران اسماعیل کا کرونا ٹیسٹ منفی آ گیا۔ نجی ٹی وی کے مطابق گورنر عمران اسماعیل کا دوبارہ کرونا ٹیسٹ مثبت اور ایک بار منفی آیا ہے۔