قصور‘ نارنگ منڈی‘ ننکانہ صاحب‘ گجرات( نمائندہ نوائے وقت+ نامہ نگاران) نارنگ منڈی میں پانچ افراد کی اٹھارہ سالہ نوجوان اور قصور میں بچے سے 4 افرد کی اجتماعی زیادتی جبکہ ننکانہ میں دس سالہ بچے کو درندگی کا نشانہ بنایا گیا۔ گجرات میں تیرہ سالہ ذہنی معذور لڑکی کو بے آبرو کرنیوالا پکڑا گیا۔ نارنگ منڈی کے محلہ محمد پورہ میں پانچ افراد کی اٹھارہ سالہ نوجوان سے اجتماعی زیادتی، ویڈیو بھی بناتے رہے اور ویڈیو سوشل میڈیا پر وائرل کرنے کی دھمکی بھی دی۔ ملزمان امیر علی محسن اور حسنین وغیرہ نے گن پوائنٹ پر لڑکے کو گورنمنٹ ڈگری کالج میں زیادتی کا نشانہ بنایا، ننکانہ صاحب سے نامہ نگار کے مطابق تھانہ سٹی شاہ کوٹ کے علاقہ میں دس سالہ بچے سے زیادتی۔ پولیس کی کارروائی، ملزم ایک گھنٹے میں گرفتار کر لیا۔ ملزم روشن نے بچے کو پکڑکر زبردستی ہوس کا نشانہ بنایا تھا۔ گجرات کے علاقہ چاہ ترہنگ میں تیرہ سالہ ذہنی معذور لڑکی کو ہوس کا نشانہ بنا دیا گیا۔ ملزم شہباز رضا سکنہ نور پور پڈھے کو پولیس نے گرفتار کر کے اس کیخلاف مقدمہ درج کر لیا۔ نور شاہ ولی قصور میں چار افراد نے دس سالہ بچے کو زیادتی کا نشانہ بنا دیا اور ویڈیو بناکر بلیک میل بھی کرتے رہے۔ ملزمان علی حمزہ‘ رحمت حافظ شہباز اور عمران کے خلاف پولیس نے مقدمہ درج کر کے انہیں گرفتار کر لیا ہے۔