انسان کی زندگی کا مقصد رضائے الہٰی کا حصول ہے:آر پی او گوجرانوالہ
گوجرانوالہ(نمائندہ خصوصی)ریجنل پولیس آفیسر ریاض نذیر گاڑا نے کہا کہ انسان کی زندگی کا مقصد رضائے الہٰی کا حصول ہے ہم مخلوق کی خدمت کر کے اللہ تعالیٰ کو راضی کر سکتے ہیں انہوں نے کہا کہ انسانیت کی تعلیمات ہمیں یہی درس دیتی ہیں کہ ہم حقوق العباد کو پامال نہ ہونے دیں اور نیکی کا پرچار کرتے رہیں۔ موجودہ ملکی صورت حال میں پولیس افسران و ملازمان صف اول میں اپنے فرائض سرانجام دے رہے ہیں ۔ان خیالات کا اظہار انہوں نے تھانہ پیپلز کالونی کے باہر مستحق افراد کے لیے فری کھانے کے باکس کا افتتاح اور فیلڈ افسران اور جوانوں کے ساتھ روزہ افطار کرتے ہوئے کیااس موقع پر ایس ایس پی ریجنل انوسٹی گیشن برانچ عبدالقیوم گوندل ،ایس ایس پی آپریشنز فہد احمد مختار،ایس پی سول لائنز عثمان طارق ،اے ڈی آئی جی ضیغم ثناء وڑائچ ،ایس ڈی پی او پیپلز کالونی میاں معظم ،ایس ایچ او عدنان اعجاز کے علاوہ دیگر افسران بھی موجود تھے۔
