بلیک برن (عارف چوہدری) لنکاشائر کے تاریخی ٹاؤن بلیک برن کی کنگ سٹریٹ کے علاقے میں دن دیہاڑے نامعلوم شخص نے فائرنگ کر کے 19سالہ لڑکی عایا کو قتل کر دیا اور فرار ہو گیا۔ جرائم فورس ٹیم کے تفتیشی جانتھن ہومز کا کہنا تھا کہ یہ ایک افسوسناک اور سفاک اقدام قتل ہے۔ علاقے کا محاصرہ کر کے تفتیش کا آغاز کر دیا گیا ہے، اگر جائے حادثہ کے موقع پر کسی نے کوئی ویڈیو بنائی ہو یا پھر کار میں کیمرا نصب ہو تو برائے مہربانی تفتیشی ٹیم سے رابطہ کریں۔