لاہور(کلچرل رپورٹر)بین الاقوامی شہرت یافتہ ماڈل اور منجھی ہوئی اداکارہ عائشہ عمرسٹیزن فاؤنڈیشن کی خیر سگالی سفیر مقرر کردی گئیں۔عائشہ عمر نے کہا ہے کہ بے حد خوشی ہورہی ہے کہ مجھے سٹیزن فاؤنڈیشن نے سفیر بنایا ہے۔یہ حقیقت ہے کہ کوئی بھی معاشرہ تعلیم کے بغیر ترقی نہیں کرسکتا۔ مجھے یہ جان کر بے حد افسوس ہوتا ہے کہ پاکستان میں دو کروڑ بچے سکول جانے سے محروم ہیں۔ ہمیں ان بچوں کو ہر حال میں سکول بھیجنا ہوگا۔ میرے والد اس وقت دنیا چھوڑ گئے تھے جب میں بہت چھوٹی تھی۔ مگر میں اور میرے بھائی نے سخت محنت سے پڑھائی مکمل کی۔

میری والدہ نے ہمیشہ پڑھنے پر زور دیا۔میں کوشش کروں گی کہ سٹیزن فاؤنڈیشن کی سفیر کی حیثیت سے پاکستان میں تعلیم کو زیادہ سے زیادہ فروغ دوں۔