اسلام آباد (نوائے وقت رپورٹ) ترک سپیکر مصطفیٰ سینتوپ نے سپیکر قومی اسمبلی اسد قیصر اور سینٹ چیئرمین صادق سنجرانی کو ٹیلی فون کیا۔ ترک سپیکر نے ا سد قیصر سے ٹیلی فونک رابطہ میں طیارہ حادثہ پر افسوس کا اظہار کیا۔ دونوں رہنماؤں کا ایک دوسرے کو عید پر مبارکباد دی۔ ترک سپیکر نے اسد قیصر کو کرونا سے صحتیابی کی بھی مبارکباد دی۔ اسد قیصر نے کہا ہے کہ کرونا وائرس کے باعث عالمی سطح پر معاونت کو مزید فروغ دینے کی ضرورت ہے۔ کرونا نے نئے چیلنجز پیدا کئے ہیں۔ عالمی وباء سے پوری دنیا میں صورتحال بدل گئی ہے۔ وباء کیخلاف پوری دنیا کو متحد ہوکر لڑنا ہے۔ ترک سپیکر نے صادق سنجرانی سے بھی ٹیلی فونک رابطے میں طیارہ حادثے پر افسوس کا اظہار کیا۔ انہوں نے کہا کہ پاکستانی بھائیوں کے غم میں برابر کے شریک ہیں۔ چیئرمین سینٹ نے ترک سپیکر کو دورہ پاکستان کی دعوت دی جسے انہوں نے قبول کر لیا۔