ہارون آباد: کتے کے بھونکنے پر فائرنگ سے ایک شخص جاں بحق‘ 4زخمی
ہارون آباد (نامہ نگار) کتے کے بھونکنے پر جھگڑا، فائرنگ سے ایک شخص جاں بحق جبکہ چار زخمی ہو گئے۔ پولیس نے دو ملزمان کو حراست میں لیکر مقدمہ درج کرلیا۔ مدعی مقدمہ محمد اشرف سکنہ 172سیون آر کے مطابق بیٹوں کے ہمراہ اپنے رقبہ پر موجود تھے کہ اسی دوران ارشاد، کرامت علی، اشرف، محمد شہباز، مانو، بگو اور دو کس نامعلوم سکنائے دیہہ مسلح ہوکر باہم صلاح مشورہ ہو کر آئے اور گالیاں دینا لگے۔ جواباً ہم نے بھی گالیاں دیں جس پر محمد ارشاد، کرامت علی اور اشرف نے فائرنگ شروع کردی۔
