پنڈی بھٹیاں+ حافظ آباد(نمائندہ خصوصی +نامہ نگار+ نمائندہ نوائے وقت) ہندوآنہ پل کے قریب نہر جھنگ برانچ میں ڈوب کر ایک شخص جاں بحق جبکہ دوسرے کو زندہ نکلا لیا گیا۔ تفصیلات کے مطابق حمزہ ٹائون پنڈی بھٹیاں کے رہائشی ندیم علی ولد محمد شریف اور محمد عمران ولد محمدشہبازنہر جھنگ برانچ میں نہارہے تھے کہ اچانک پانی کی زیادتی کی وجہ سے عمران ڈوب ہوگیا جس کی نعش کو نہر سے نکال لیا گیا جبکہ ندیم کو زندہ نکال کر ہسپتال منتقل کردیا گیا۔