لاہور(نامہ نگار)ایس ایس پی ایڈمن نے کرونا وائرس کو شکست دینے کے بعد ذمہ داریاں سنبھال لیں۔سی سی پی او لاہور ذوالفقار حمید نے لیاقت علی ملک کو صحتیاب ہونے پر گلدستہ پیش کیا۔ اس موقعہ پر ایس ایس پی ڈسپلن عبادت نثار اور ایس پی لیگل بھی موجود تھے۔ اس حوالے سے کیپٹن(ر)لیاقت علی ملک کا کہنا تھا کہ صحتیابی کے لئے دعائیں کرنے والوں کا مشکور ہوں اور میں پہلے سے زیادہ تندرست و توانا محسوس کر رہا ہوں۔ ان کا کہنا تھا کرونا ایک وباء ہے جس کا مقابلہ خود کو محدود کرتے ہوئے باآسانی کیا جا سکتا ہے۔ سی سی پی او لاہور ذوالفقار حمید کا کہنا تھا کہ کرونا وائرس کیخلاف جنگ میں سب سے زیادہ متاثر لاہور پولیس ہوئی۔ شہریوں کے جان و مال کے تحفظ کے دوران اب تک لاہور پولیس کے 114 اہلکار کرونا وباء سے متاثر ہوئے، لاہور پولیس کے 57 اہلکار کرونا وائرس کو شکست دے چکے ہیں۔ ان کا مزید کہنا تھا کہ لاہور پولیس ہر قسم کے حالات میں شہریوں کی سیکورٹی اور حفاظت کو یقینی بنائے ہوئے ہے شہری محدود اور محفوظ رہیں گے۔