شیخوپورہ(نمائندہ خصوصی)تھانہ سٹی اے ڈویژن پولیس نے محلہ رحمن پورہ ، خانقاہ ڈوگراں ، جنڈیالہ روڈ،ہرن مینار روڈ ،بائی پاس ہائوسنگ کالونی ، باوے دی کٹیا سمیت درجن سے زائد مقامات پر ڈکیتی ،راہزنی اور چوری کرنیوالے 7 رکنی گینگ کے سرغنہ سردار علی اختر اور علی رضا کو گرفتار کرکے ان کے قبضہ سے لاکھوں روپے مالیت کی موٹرسائیکلیں ،موبائلز ،زیورات برآمد کرلیے ہیں۔ڈی پی اونے گینگ کی گرفتاری پر ایس ایچ اوکیلئے نقد انعام اور تعریفی اسناد کا اعلان کیا ۔علاوہ ازیںتھانہ ہائوسنگ کالونی پولیس نے ڈکیتی ،راہزنی اور اغوا برائے تاوان کے بین الاضلاعی گروہ پرویز عرف پیجی گینگ کے 3 ارکان کو گرفتار کرکے ڈھائی لاکھ روپے ‘ موبائل ‘ بھاری مقدار میں ناجائز اسلحہ بر آمد کر لیا ہے۔