ترکی میں پاک بحریہ کے جدید جہاز کی تیاری کا آغاز
اسلام آباد (این این آئی)پاک بحریہ کے پہلے ملجم کلاس جہاز کی تعمیر کا ترکی میں آغاز کر دیا گیا ۔ ترجمان پاک بحریہ جمعرات کو جہاز کی تعمیر کی افتتاحی تقریب استنبول نیول شپ یارڈ میں منعقد کی گئی۔ ترجمان پاک بحریہ کے مطابق ترکی میں تعینات پاک بحریہ کے چیف نیول اوور سیز کموڈور سید رضوان خالد تقریب کے مہمان خصوصی تھے۔ترجمان پاک بحریہ کے مطابق ملجم کلاس جہاز جدید سطح آب، زیر آب، اینٹی ائیر ہتھیاروں اور سینسرز سے لیس ہوں گے۔ ترجمان پاک بحریہ کے مطابق ٹرانسفر آف ٹیکنالوجی کے معاہدے کے تحت تعمیر کئے جانے والے چار جہازوں میں سے دو کی تعمیر کراچی شپ یارڈ میں ہو گی۔ ترجمان پاک بحریہ کے مطابق جہازوں کی مقامی سطح پر تعمیر سے ملکی جہاز سازی کی صنعت کو فروغ حاصل ہو گا۔ ترجمان پاک بحریہ کے مطابق ملجم کلاس جہازوں کی تعمیر کا پراجیکٹ پاکستان اور ترکی کے مضبوط باہمی تعلقات کا عکاس ہے۔ ترجمان پاک بحریہ کے مطابق عالمی سطح پر درپیش وبائی صورتحال میں جہاز کی تعمیر کے بر وقت آغاز کے لئے تمام شراکت داروں کی کاوشیں قابل تحسین ہیں۔
