قصور نوجوان ‘ بچے‘ دیپالپور حافظ آباد میں2لڑکوں سے زیادتی
قصور‘چھانگا مانگا‘ دیپال پور‘حافظ آباد(نمائندگان+نمائندہ نوائے وقت+ نامہ نگاران) مختلف علاقوں میں نوجوان‘2 بچوں اور بکری کو زیادتی کا نشانہ بنا دیا گیا۔ تفصیلات کے مطابق قصور اور گردونواح میں بکری اور دو افراد کو زیادتی کا نشانہ بنا دیا گیا۔ پولیس تھانہ چھانگا مانگا کے مطابق6 سالہ بچے کو رشتہ دار ہارون نے زیادتی کا نشانہ بنا ڈالا۔ پولیس تھانہ الہ آباد میں اقبال ٹاؤن کے رہائشی اٹھارہ سالہ نے درخواست دی رات تین بجے علی شہزاد اور عدیل مجھے ورغلا کر پٹھان مارکیٹ میں لے گئے اور زیادتی کا نشانہ بنایا۔ تھانہ منڈی عثمانوالہ میں باغ علی کے رہائشی نے مقدمہ درج کروایا۔ مصور ہماری حویلی میں آیا اور درخت کے ساتھ بندھی ہوئی بکری کے ساتھ بدفعلی کی۔ پولیس نے الگ الگ مقدمات درج کر لئے ہیں۔ دیپال پور میں کم سن لڑکے کو فصل مکئی میں لے جا کر زیادتی کا نشانہ بنا ڈالا‘ پولیس نے مقدمہ درج کر لیا۔ بتایا گیا ہے کہ نواحی قصبہ مرزا پور کے دینی مدرسہ کے مہتمم کے نو سالہ بیٹے کو ملزم عدیل احمد نے فصل مکئی کے کھیت میں زیادتی کا نشانہ بنایا اور فرار ہوگیا۔ مزید برآں حافظ آباد میں بارہ سالہ بچے سے مبینہ زیادتی۔ طاہر عرف لاھوری سکنہ محلہ حسین پورہ گیارہ سالہ لڑکے کو ورغلا کر خالی مکان میں لے گیا اور زیادتی کا نشانہ بنایا ‘پولیس نے تفتیش شروع کردی۔
