کراچی (نوائے وقت رپورٹ) لیاری میں گزشتہ روز گرنے والی رہائشی عمارت کا ملبہ ہٹانے اور ریسکیو کا عمل جاری ہے۔ ریسکیو حکام کے مطابق ملبے سے مزید 5 افرادکی نعشیںنکال لی گئی ہیں۔ جبکہ 24 گھنٹے بعد زندہ نکالے گئے مرد اور بچی دم توڑ گئے۔ جس کے بعد جاں بحق افراد کی تعداد 8 ہوگئی ہے۔ ریسکیو حکام کے مطابق حادثے میں 2 پولیس اہلکاروں سمیت 10 افراد زخمی ہوئے جنہیں ہسپتال میں طبی امداد فراہم کی جا رہی ہے۔ مرنے والوں میں 4 مرد اور 3 خواتین بھی شامل ہیں۔ واضح رہے کہ گزشتہ روز لیاری کی لیاقت کالونی میں 5 منزلہ رہائشی عمارت گرگئی جس میں 40 فلیٹ تھے جب کہ عمارت پر پینٹ ہاؤس بھی تعمیر کیا گیا تھا۔