شیخوپورہ+قصور(نمائندہ خصوصی+نمائندہ نوائے وقت)ڈکیتی چوری کی وارداتوں میں کئی شہری لٹ گئے۔تھانہ فیکٹری ایریا کے علاقہ خانپور نہر کے قریب ڈاکوئوں نے لاہور سے واپس گائوں جانیوالے تھانیدار کو لوٹ لیا اور مزاحمت پر گولیاں مار کر اسے شدید زخمی بھی کردیا اور فرار ہوگئے اے ایس آئی بابر علی فیملی کے ہمراہ سریانوالہ جارہا تھا ڈاکوئوں نے مزاحمت پر فائرنگ کرکے زخمی کردیا ۔سوہڈیوال پل کے قریب خالد کے پیٹرول پمپ پر دو ڈاکوآئے اور خالد پینتیس ہزار روپے ‘موبائل فون لوٹ لیا اور مزاحمت پر گولی مارکر زخمی کر دیا اور شیخ بھاگو قبرستان کے قریب ڈاکووں نے موٹرسائیکل سوار زوہیب سے پچاس ہزار‘ موبائل فون چھین لیا جبکہ نواحی علاقہ پریم نگر کے قریب ڈاکووں نے موٹرسائیکل سوار مدثر علی سے موٹرسائیکل،موبائل اور نقدی چھین لی‘ محلہ خوشی گجر الہ آباد میں عمران اہل خانہ کیساتھ گھر میں سویا ہوا تھا کہ چور گھر میں رکھی سیف الماری سے ایک لاکھ روپے لے گئے۔پولیس مصروف کارروائی ہے۔