لاہور (نیوز رپورٹر) دارالعلوم جامعہ نعیمیہ کے بانی مفتی محمد حسین نعیمیؒ کے چھوٹے صاحبزادے اور ڈاکٹر سرفراز نعیمی شہیدؒ کے چھوٹے بھائی محمد تاجور نعیمی گزشتہ روز انتقال کرگئے۔ مرحوم گزشتہ دو سال سے کینسر کے عارضہ میں مبتلا تھے۔ نماز جنازہ جامعہ نعیمیہ میں ڈاکٹر راغب حسین نعیمی نے بعد نماز عصر پڑھائی۔ قل خوانی کی تقریب آج صبح 9بجے سے 11بجے جامعہ نعیمیہ میں ہوگی۔ ترجمان جامعہ نعیمیہ کے مطابق نماز جناز ہ میںشیخ الحدیث مفتی عبد العلیم سیالوی، مفتی انورالقادری، مولانا غلام نصیر الدین چشتی، پیر جمیل الرحمان، مفتی انتخاب، پروفیسر ارشد اقبال، چودھری شہباز احمد رکن پنجاب اسمبلی مسلم لیگ ن، مولانا امداد اللہ نعیمی، مفتی محمد رمضان سیالوی، ڈاکٹر مفتی حسیب قادری، شاداب رضا قادری، صاحبزادہ رضائے مصطفی نقشبندی، مفتی عمران حنفی، پیر واجد شاہ گیلانی، مفتی محمد حبیب سعیدی، پیر بشیر احمد یوسفی، پیر معاذ المصطفیٰ، مولانا نعیم جاوید، مولانا ممتاز احمد ربانی، مفتی بلال فاروق نعیمی، مفتی ابوبکر قریشی، پیر سید زبیر شاہ، مولانا ریاض احمد نعیمی، مولانا سید آصف شاہ، مولانا عابد علی نعیمی، مفتی ہاشم رضوی، محبوب احمد ہمدانی، پیر گلزار احمد سیفی، پیر عرفان اللہ سیفی، علامہ یاسر علی نعیمی، پیر زادہ برہان الدین احمد عثمانی، صاحبزادہ عبدالمطصفیٰ چشتی، قاری شکیل احمد صدیقی، مفتی ندیم قمر، نعیم جاوید نوری، مفتی نور قادری، شاہد حسین گردیزی، مولانا غلام انصرالدین، ڈاکٹر منیب قادری، شاداب رضا قادری، صاحبزادہ رضائے مصطفی، بلال فاروق نعیمی، ابوبکر قریشی، ایاز احمد نعیمی، پیر آصف شاہ، پیر عرفان اللہ، پیر گلزار احمد، یاسر نعیمی، علماء ومشائخ سمیت شہریوں کی کثیر تعداد شریک ہوئی۔ علازہ ازیں شہباز شریف نے راغب حسین نعیمی سے ٹیلی فون پر ان کے چچا تاجور نعیمی کے انتقال پر اظہار تعزیت کرتے ہوئے کہا کہ مرحوم تاجور نعیمی کی وفات کی خبر سن کر انتہائی افسوس ہوا، نعیمی خاندان کے غم میں برابر کے شریک ہیں۔ آپ نے مفتی محمد حسین نعیمی کے سایہ میں رہتے ہوئے جامعہ نعیمیہ کی تعمیر وترقی میں اہم کردار ادا کیا۔ نعیمی خاندان کی ملکی استحکام اور دین اسلام کی ترویج و اشاعت کیلئے خدمات قابل قدر ہیں۔ سابق سپیکر قومی اسمبلی سردار ایازصادق نے فون پر علامہ راغب نعیمی سے اظہار تعزیت کیا۔