لاہور(نامہ نگار)ایس پی ڈولفن سکواڈعائشہ بٹ نے گذشتہ ہفتے کی کارکردگی رپورٹ جاری کرتے ہوئے بتایا کہ ڈولفن سکواڈ اور پولیس ریسپانس یونٹ کے جوان ہیلپ لائن 15 پر موصولہ تمام314کالز پر فوری ریسپانس عمل میں لائے۔دوران پٹرولنگ ڈکیتی و چوری کی وارداتوں میں ملوث گینگز کے52 ملزمان کو گرفتار کر کے اُن کے قبضہ سے11موٹرسائیکلیں ،3 موبائل فونز اور11لاکھ65 ہزار روپے سے زائد نقدی برآمد کی۔ڈولفن سکواڈ اورپولیس ریسپانس یونٹ کے جوانوں نے دوران پٹرولنگ15 عادی مجرمان کو بھی گرفتار کیا۔ منشیات کے خلاف کارروائی کے دوران 10 بوتلیں شراب، 510گرام ہیروئن ،حقہ شیشہ، فلیور ودیگر سامان برآمد کیا گیا۔