لاہور(نمائندہ خصوصی)سی سی پی او لاہور ذوالفقارحمید کا کہنا ہے کہ شہر بھر میں کرونا وباء کے پیش نظر منہ ڈھاپننے کی پابندی کا نوٹیفکیشن جاری کر دیا گیا ہے، اس ضمن میں حکومتی گائیڈ لائنز پر من و عن عمل درآمد کرواتے ہوئے ایس او پیز کی خلاف ورزی کرنے والوں کے خلاف سخت قانونی کارروائی عمل میں لائی جائے گی۔ حکومتی احکامات کی روشنی میں کرونا ایس او پیز کی پاسداری کو یقینی بنایا جائے گا ۔ ذوالفقارحمید کا مزید کہنا تھا کہ لاہور پولیس کرونا وباء کے تدارک کیلئے تمام وسائل بروئے کار لا رہی ہے۔