فیروزوالہ (نامہ نگار)کالا خطائی روڈ کی آبادی بھڑتھ میں مسلح افراد نے حملہ کر کے میاں بیوی کو قتل کر ڈالا۔ حملہ آوروں نے دانتوں سے ناک، ہونٹ اور چہرے کو کاٹ ڈالا۔ ملزمان فرار ہو گئے۔ بتایا گیا ہے کہ بھڑتھ کا رہائشی محمد جمیل گھر سے باہر جا رہا تھا راستے میں کھڑے ملزمان اشفاق، عباس‘ شہزاد اور ساتھی اسے پکڑ کر تشدد کرتے ہوئے اپنے گھر لے گئے جہاں پر اسے بے پناہ تشدد کا نشانہ بنایا۔ جمیل کی بیوی نے اسے چھڑوانے کی کوشش کی تو ملزمان نے اسے بھی زخمی کر ڈالا۔ فیروزوالہ پولیس نے ملزموں کے خلاف مقدمہ درج کر لیا۔ رچنا ٹائون میں معمولی جھگڑے پر مسلح افراد نے حملہ کر کے نوجوان کو شدید زخمی کر دیا۔