شیخوپورہ+اوکاڑہ+فیروزوالہ+شرقپور+پسنی+کندھ کوٹ (نمائندہ خصوصی+نامہ نگاران+نوائے وقت رپورٹ+آن لائن) ٹریفک حادثات میں 12افراد جاں بحق ہوگئے۔ شیخوپورہ میں میاں، بیوی اور بیٹی ،اوکاڑہ میں ماں بیٹے سمیت ماری گئی، بلوچستان کے علاقے پسنی میں خاتون سمیت3افراد،کندھ کوٹ میں بچے،2خواتین سمیت4افراد جاں بحق ہو گئے جبکہ10افراد زخمی ہو گئے۔تفصیلات کے مطابقشیخوپورہ شرقپور روڈ نا ظر لبانہ کے قریب تیز رفتار آئل ٹینکر نے موٹرسائیکل کو ٹکر مار دی جس کے نتیجہ پر موٹرسائیکل پر سوار ایک بچی سمیت شوہر اور بیوی مو قع پر ہی جاں بحق ہو گئے۔جاں بحق ہونے والوں میں 30سالہ عصمت علی ،27سالہ ثانیہ بی بی اور 9سالہ سونیہ شامل ہے، بدقسمت خاندان مو ضع غازی پور کا رہائشی بتایا گیا ہے۔ ادھر سرگودھا روڈ جھامکے کے قریب تیز رفتار ویگن اور رکشہ کی ٹکر ہو گئی جس کے نتیجہ میں رکشے میں سوار ایک خاتون سمیت 3افراد زخمی ہوگئے ۔علاوہ ازیںاوکاڑہ کے علاقے چک کوٹھی وال دیپالپور کا رہائشی پنن خاں اپنی بیوی نسیم بی بی اور8ماہ کے بیٹے علی حمزہ کے ہمراہ موٹرسائیکل پر پر جارہے تھے کہ جیسے ہی وہ چک نمبر 18/1AL جوڑیاں نہر کے قریب پہنچے توایک تیزرفتار ٹریکٹر ٹرالی بے قابو ہوکر موٹرسائیکل سوار فیملی کو ٹکر ماردی جس کے نتیجے میں نسیم بی بی اور اس کا 8ماہ کا بیٹا علی حمزہ زخموں کی تاب نہ لاتے ہوئے جاں بحق ہوگئے جبکہ پنن خاں شدید زخمی ہوگیا۔ ریسکیواور پولیس کی ٹیمیں جائے حادثہ پر پہنچ گئیں، نعشوں اور زخمی کو قریبی ہسپتال منتقل کردیا۔دریں اثناء بلوچستان کے علاقے پسنی میں گاڑی حادثے کاشکار ہوگئی،اطلاعات کے مطابق گزشتہ روز اورماڑہ سے پسنی جانے والی گاڑی ریمبڑو ڈوسی کے مقام پر تیزرفتاری کے باعث الٹ گئی جس کے نتیجے میں تین افراد جاں بحق ،6زخمی ہوگئے۔ جاں بحق ہونے والی میں بشیرولد گل محمد،قدیر ولدبشیر،جتیٰ زوجہ نور محمدشامل ہے جبکہ زخمیوں میںخدیجہ زوجہ بشیر،وسری بنت وسیم،وسیم ولد بشیر،بشریٰ بنت وسیم،جمیلہ بند بشیر،مہناززوجہ وسیم شامل ہیں نعشوں اور زخمیوں کوفوری طور پر ہسپتال منتقل کر دیا گیا ہے جبکہ زخمیوں میں خاتون ا ور بچے کی حالت تشویشناک بتائی جارہی ہے ۔ادھرانڈس ہائی وے کندھ کوٹ پر مویشی منڈی کے قریب کار نے موٹرسائیکل کو ٹکر ماردی۔ حادثے میں 2خواتین،بچے سمیت4افراد جاں بحق ہوگئے۔پولیس کے مطابق کار ڈرائیور فرار ہو گیا ۔نعشیں ہسپتال منتقل کردی گئیں۔