فیروزوالہ ( نامہ نگار)خان پور نہر میں نہاتے ہوئے5نوجوان ڈوب گئے جس میں سے ایک نوجوان ڈوب گیا جبکہ باقی چار نوجوانوں کو بچا لیا گیا۔تفصیلات کے مطابق شاہدرہ کے رہائشی 22سالہ عبدالمحمود اپنے کزن اور دوستوں کے ہمراہ گرمی کی باعث لاہور روڈ پر واقع اپر چناب خان پور نہر میں نہانے گئے، جہاں پر پانچ نوجوان نہاتے ہوئے گہرے پانی کی طرف چلے گئے جہاں پر موجود نہانے والے نوجوانوں نے 4 نوجوانوں کو بچا لیا جبکہ بیگم کوٹ شاہدرہ کا رہائشی 22سالہ عبدالمحمود گہرے پانی میں ڈوب کر جاں بحق ہوگیا جس کی نعش تلاش کرنے کے لیے ریسکیو کے عملے کا آپریشن جاری ہے۔