کرونا ملک میں تباہی مچا رہا، وزراء ایک دوسرے سے لڑ رہے ہیں: شہباز شریف
لاہور (نوائے وقت رپورٹ) مسلم لیگ (ن) کے صدر شہبازشریف نے کہا ہے کہ کرونا وائرس سے نمٹنے کی بجائے وزراء ایک دوسرے سے لڑ رہے ہیں۔ صدر مسلم لیگ (ن) میاں شہبازشریف نے ٹوئٹ کرتے ہوئے کرونا وائرس ملک میں بڑے پیمانے پر تباہی مچا رہا ہے۔ہزاروں افراد متاثر ہو چکے ہیں اور سینکڑوں مریضوں کاانتقال ہو گیا ہے۔ شہبازشریف نے کہا کہ کرونا وائرس کے حل کیلئے تبدیلی سرکار کا غیرسنجیدہ رویہ سامنے آچکا ہے۔ کرونا وائرس کے حل کے بجائے حکومتی وزراء اس وقت ایک دوسرے سے لڑ رہے ہیں۔ اس سے پتہ چلتا ہے کہ سیاسی مفادات رکھنے والا ٹولہ اور بھان متی کا کنبہ اکٹھا ہو چکا ہے اور ملک کو تباہ کر رہا ہے۔
