اسلام آباد (نامہ نگار) قومی احتساب بیورو (نیب) نے ڈپٹی چیئرمین سینٹ سلیم مانڈوی والا کو 9 جولائی کو طلب کرلیا ہے۔ نیب نے سلیم مانڈوی والا کو پیش ہو کر بیان ریکارڈ کروانے کی ہدایت کی ہے۔ واضح رہے کہ نیب نے بدھ یکم جولائی کو سلیم مانڈی والا کو طلب کر رکھا تھا۔ تاہم سلیم مانڈوی والا نے نیب کو خط لکھ کر پیشی ملتوی کرنے کی درخواست کی تھی۔ سلیم مانڈوی والا کا کہنا ہے کہ آئندہ پیشی پر نیب کے روبرو پیش ہوں گے۔