قصور (نمائندہ نوائے وقت)ریت چھلہ روشن آباد کالونی اور دیگر علاقوں میں کئی سالوں سے نالوں کی صفائی نہ ہو سکی بارشوں کے پانی سے نالے ابل پڑے گندہ پانی گلیوں میں جمع ‘ نالوں کی صفائی کاغذوں تک محدودد ‘ صفائی کا ناقص انتظام ہونے کی وجہ سے نالوں میں گند چلا جاتا ہے جس کی وجہ سے نالوں کا گندہ پانی گلیوں بازاروں میں آجاتا ہے سینٹری سپروائزر سالوں میں ایک ہی علاقے میں ڈیوٹی کرتے ہیں اس لیے صفائی کرانا ان کے بس میں نہیں ہوتا علاقے کے لوگوں بشیر رحمانی محبت علی مہر حیدر صلاوت علی چوہدری محمد علی نے میونسپل کارپوریشن آفس میںبار بار درخواستیں دیں مگر ان کو ردی کی ٹوکری میں ڈال دیا گیا۔ میونسپل کارپوریشن کے چیف سینٹری انسپکٹر سے موقف لینے کیلئے رابطہ کیا گیا تو انہوں نے کہا جیسے کام چلتا ہے چلنے دو ہمارے پاس وسائل‘سامان بھی نہیں ہے حاضری بھی پوری نہیں ہے۔