سیشن جج گوجرانوالہ کا ایس ایس پی آپریشنز کے ہمراہ کچہری نوشہرہ ورکاں کا دورہ
نوشہرہ ورکاں (نمائندہ نوائے وقت) ڈسٹرکٹ اینڈ سیشن جج گوجرانوالہ ہمایوں امتیاز نے ایس ایس پی آپریشنز گوجرانوالہ ڈاکٹر فہد احمد مختار کے ہمراہ تحصیل کچہری نوشہرہ ورکاں کا دورہ کیا اور سیکورٹی
انتظامات کا جائزہ لیا ڈی ایس پی چوہدری ہاشم محمود گوجر نے انہیں سیکورٹی انتظامات پر بریفنگ دی انہوں نے صدر بار چوہدری محمد عاقل ڈھڈی کے مطالبہ پر وال تھرو گیٹ، بیریئر، سیکورٹی کے لئے مزید پولیس جوان، واچ ٹاور، چھت پر مورچہ، کچہری روڈ پر ایلیٹ فورس کا ناکہ، احاطہ کچہری میں رات کے وقت روشنی کا معقول انتظام سرچ لائٹس کی تنصیب کرنیکی ہدائت کی۔
