کرونا سے بے روزگار 200سے زائد تھیٹرز فنکاروں میںراشن تقسیم
لاہور (کلچرل رپورٹر )کرونا بحران سے بے روزگار 200سے زائد تھیٹرز فنکاروں کیلئے سرور فائونڈیشن نے راشن فراہم کر دیا 'شوبز فنکار راشن ملنے کی خوشی میں گور نر پنجاب چوہدری محمدسرور اور وائس چیئرپرسن سرور فائونڈیشن بیگم پروین سرور کا شکر یہ ادا کرتے رہے۔ راشن تقسیم کر نے کی تقر یب پنجاب تھیٹرز ایکشن کمیٹی کے چیئرمین قیصر ثنا اللہ خان کی زیر نگرانی تقر یب میں اداکارہ وگلوکارہ میگھا 'پروڈیوسر سخی سروربٹ 'کامیڈین سرفراز وکی اور سیف گورائیہ سمیت تھیٹر فنکاروں کی کثیرتعداد بھی شر یک ہوئی ۔ قیصر ثناء اللہ خان نے کہا کہ گور نر پنجاب چوہدری محمدسرور ' وزیراعلی پنجاب، وزیراعظم عمران خان سے مطالبہ کرتے ہیں ہم غریب ڈیلی ویجز فنکاروں پر رحم کریں اور ایس او پیز کے مطابق تھیڑز کھولنے کی اجازت دیں ۔گلوکارہ میگھا نے کہا کہ ہم کرونا بحران کی وجہ سے بے روزگار ہونیوالے فنکاروں کو کسی صورت تنہا نہیں چھوڑیں گے اور فلاحی تنظیموں کے ساتھ ملکر ان بے روزفنکاروں کی بھر پور مدد کا سلسلہ آئندہ بھی جاری رکھا جائیگا ۔ تقریب میں فاروق بٹ،چیئرمین اللہ والے ٹرسٹ شاہد لون بھی شر یک ہوئے۔
