کراچی (نوائے وقت رپورٹ) بانی فکس اٹ عالمگیر خان نے وزیراعلیٰ سندھ مراد علی شاہ کی تصویر گجر نالے پر لگا دی۔ عالمگیر خان نے کہا کہ گجر نالہ بلاک ہے پانی کا بہاؤ ممکن نہیں چار سال سے شور مچا رہے ہیں کوئی توجہ نہیں دے رہا۔ وزیراعلیٰ سندھ کی تصویر لگا نے کا مقصد ان کی توجہ حاصل کرنا ہے۔ این ڈی ایم اے نے سیلاب کا خدشہ ظاہر کیا ہے۔ زائد بارشوں سے نالے کا پانی آبادیوں میں داخل ہو گا۔ میئر کراچی کہتے ہیں پیسے دو، صفائی نہیں کر سکتے۔ میئر کراچی اور ڈی ایم سیز کو پچاس کروڑ روپے نہیں دیئے گئے۔ لوگ کرونا سے کم اور سندھ حکومت کی نااہلی سے زیادہ مریں گے۔ کراچی میں بجلی اور پانی نہیں۔ سیوریج کا نظام درہم برہم ہے۔