فیروزوالہ+سندر+قصور(نامہ نگاران+نمائندہ نوائے وقت)فیروزوالہ اور سندر میں2 خواتین کے ساتھ زیادتی کرڈالی جبکہ قصور میں اوباشوں نے 2 بچوں کو درندگی کا نشانہ بناڈالا۔تفصیلات کے مطابق لاہور کی رہائشی خاتون (ش) سلامت پورہ مریدکے میںپلاٹ کی فروخت کے سلسلہ میں گئی، راستے میں کار سوار سخاوت علی اور اس کے دوست عمیر نے زبردستی اغوا کرکے ویران جگہ لے گئے اور اجتماعی زیادتی کی، ملزموں کے خلاف مقدمہ درج کرلیا گیا۔رائیونڈ کے علاقہ جیابگا میں خاتون کے ساتھ اجتماعی زیادتی کرنیوالوںکو پولیس نے کارروائی کرکے3 ملزموں کو گرفتار کر لیا ،متاثرہ خاتون نے بتایا کہ اس کے ماموں نے نشئی سے نکاح کرایا تھا جو نشہ کیلئے زبردستی زیادتی کرواتا رہا، موقع پا کر وہاں سے فرار ہو گئی اور پولیس کو تمام صورت حال سے آگاہ کیا جس پر اے ایس پی رائیونڈ نے بتایا کہ انہوںنے زناء الجبر کے مقدمہ میں متاثرہ خاتون کے ماموں عمران اور شہزاد اور اسلم نامی ملزموں کو گرفتار کر لیا ہے متاثرہ خاتون کا ماموں بھی اس تمام صورت حال میں ملوث تھا ۔ادھرقصور اور گردونواح میں دو بچوںکو زیادتی کا نشانہ بنا دیا گیا۔نواحی گاوں بھیم کے میں 10سالہ (ع) سودا لینے گھر سے باہر گیا ،بلال نامی نوجوان اسے ورغلا کر خالی مکان میں لے گیا اور زیادتی کا نشانہ بنا دیا اور فرار ہو گیا۔ واں کھارا میں جنید نامی شخص نے پولیس تھانہ چھانگامانگا میں درخواست دی کہ میرا 7سالہ نواسہ ریئس حسن گھر کے باہر کھڑا تھا کہ علی حمزہ نامی اوباش نوجوان اسے ورغلا کر اپنی حویلی میں لیجا کر اسے اپنی درندگی کا نشانہ بنا دیا ۔