جنوبی وزیرستان: زائرین کی گاڑی کھائی میں جا گری، 5 افراد جاں بحق، 20 زخمی
وزیرستان( آن لائن ) جنوبی وزیرستان کے علاقے لدھا میں زائرین کی گاڑی گہری کھائی میں گر نے سے 5 افراد جاں بحق جبکہ 20سے زاہد زخمی ہو گئے ۔ تفصیلات کے مطابق جنوبی وزیرستان میں مچن بابا کی زیارت سے واپس آبائی علاقے ممہ خیل سرائے نورنگ جارہے تھے کہ لدھا لدھا کے علاقے میں زائرین کی گاڑی کھائی میں جاگری جس کے نتیجے میں اس میں سوار 20سے زائد افراد زخمی ہوگئے۔زخمیوں کو ہسپتال منتقل کرکے طبی امداد فراہم کی گئی جہاں 5 افراد زخموں کی تاب نہ لاتے ہوئے دم توڑ گئے۔
