اسلام آباد ( وقائع نگار خصوصی )چئیرمین سینیٹ صادق سنجرانی کا انٹرنیشنل پارلیمنٹری یونین کے صدر کاالیکشن لڑنے کا اعلان کر دیا ہے ۔اسپیکر قومی اسمبلی اسد قیصر کی جانب سے صادق سنجرانی کونامزد کیاگیا،آئی پی یو کی صدارت کے لئے انتخاب رواں برس دسمبر میں ہوگا ،179ممالک آئی پی یوکے ممبرز ہیں،صادق سنجرانی ملکی تاریخ میں پہلی بار آئی پی یوصدرات کا انتخاب لڑیں گے اسے حوالے سے معز ز پارلیمنٹرین نے صادق سنجرانی کے آئی پی یوکے صدارتی الیکشن میں حصہ لینے کے اقدام کو خو ش آئند قرار دیتے ہوئے کہا کہ اسپیکر قومی اسمبلی اسد قیصر کی جانب سے صادق سنجرانی کونامزد کرنے پر داد کے مستحق ہیں چئیر مین سینیٹ صادق سنجرانی کا آئی پی یو کا صدارتی انتخاب میں حصہ لینے سے پارلیمان کے وقار میں مزید اضافہ ہوگا۔دریں اثناء صادق سنجرانی نے جمعہ کو وزیراعظم عمران خان سے ملاقات کی۔ وزیراعم آفس میڈیا ونگ کے مطابق چیئرمین سینٹ محمد صادق سنجرانی نے سینٹ آف پاکستان کی جانب سے 32 لاکھ 15 ہزار روپے کا چیک وزیراعظم کرونا ریلیف فنڈ کیلئے وزیراعظم کو پیش کیا۔ دریں اثناء سینیٹر ذیشان خانزادہ نے 8 ملین روپے کا چیک وزیراعظم کرونا ریلیف فنڈ کیلئے وزیراعظم کو پیش کیا۔