کراچی: ٹائر پھٹنے سے رینجرز کی گاڑی الٹ گئی‘ حوالدار جاںبحق‘ 5 زخمی
کراچی (نیٹ نیوز) سپرہائی وے ڈی ایچ اے سٹی کے قریب سندھ رینجرز کی موبائل حادثے کا شکار ہونے کے نتیجے میں حوالدار جاں بحق اور انسپکٹر سمیت 5 جوان شدید زخمی ہو گئے۔ کراچی گڈاپ سٹی تھانے کے علاقے سپر ہائی وے ڈی ایچ اے سٹی کے قریب سندھ رینجرز کی موبائل حادثے کے باعث الٹ گئی جس کے نتیجے میں موبائل میں سوار حوالدار سہیل اکرم موقع پر ہی دم توڑ ہوگئے، جب کہ انسپکٹرعبدالرزاق، لانس نائیک گل خان ، سپاہی حمزہ، سپاہی مرتضی اور ڈرائیور مشتاق شدید زخمی ہوگئے۔ جنہیں تشویشناک حالت میں قریبی ہسپتال منتقل کردیا گیا۔ گڈاپ سٹی پولیس نے مطابق جس رینجرز کی موبائل کو حادثہ پیش آیا وہ رینجرز کے 35 رنگ کی تھی اور ٹائر پھٹنے کے باعث موبائل الٹ گئی۔ حادثے کی اطلاع ملتے ہی پولیس اور رینجرز افسران موقع پر پہنچ گئے۔
