لاہور(نمائندہ سپورٹس +سپورٹس رپورٹر) سیکرٹری پاکستان ہاکی فیڈریشن اولمپئن آصف باجوہ نے کہا ہے کہ ستمبر اکتوبر میں ایس اوپیز کے ساتھ نیشنل ٹرے اور نیشنل ہاکی چیمپن شپ کروائیں گے۔ پاکستان ہاکی فیڈریشن کرونا وائرس میں کھلاڑیوں کی امداد میں پیش پیش ہے، تیس کھلاڑیوں کو فی کس تیس ہزار روپے کرونا وباء الاؤنس دیا جائے گا۔ پرو لیگ میں جرمنی اوربیلجیئم کے میچز سے بین الاقوامی سطح پر ہاکی سرگرمیاں بحال ہو رہی ہیں، پاکستان ہاکی فیڈریشن کو بھی ایف آئی ایچ،اے ایچ ایف اور مختلف فیڈریشنز سے لیٹر موصول ہوئے ہیں۔ کوشش کر رہے ہیں جہاں ممکن ہو ایس او پیز کے تحت انٹرنیشنل ہاکی بحال ہو سکے۔ فائیو اے سائیڈ فارمیٹ ہاکی کا مستقبل ہے، اس سے ٹی ٹونٹی کرکٹ کی طرح ہاکی کو بھی فروغ حاصل ہو گا۔