لاہور (نمائندہ سپورٹس+سپورٹس رپورٹر) لاک ڈاؤن کے دوران پنجاب باکسنگ ایسوسی ایشن کے زیر اہتمام باکسنگ شیڈو مقابلوں نے دھوم مچا دی۔ 20 جولائی تک جاری ایونٹ میں بچے، بوڑھے اور جوان باکسرز کی شرکت سے آئیڈیا سپر ہٹ ہو گیا۔ پنجاب باکسنگ ایسوسی ایشن کے سیکرٹری شرجیل بٹ نے کہا کہ لاک ڈاؤن کے دوران شیڈو باکسنگ کا اہتمام اور اس کا فروغ عام بہت اچھا اقدام ہے۔ ویڈیوز کے ذریعے ایونٹ میں شریک ہونے والے ہر عمر کے باکسرز نے ایونٹ کو مقبول عام کر دیا ہے۔ انہوں نے کہا کہ آئندہ پیر تک جاری رہنے باکسنگ شیڈو مقابلوں نے سپورٹس لورز میں نئی جان پیدا کر دی ہے۔ حالات معمول پر آتے ہی اسی جوش و جذبے سے باکسنگ ایونٹس کا انعقاد کیا جائے گا۔